一個人住了多年，習慣了自己做飯，少不免感染了許多師奶的習性。其中一樣便是不喜歡到外面吃飯，總覺得店家做的菜又貴又及不上自己做得好 (又或者不合自己的口味) ，所以近來上館子都要特別挑一些工夫菜。說實話，食店的食材不會比你自己買的來得好 (只要你捨得花錢花時間去買)，所以到外面吃，就只能吃大師傅的工夫了。什麼是工夫？發翅、鮑魚、百花釀蟹蚶、烤鴨燒乳豬、吊燒雞、鵝掌包、古法馬拉糕、燸米雞、八寶鴨、白肺湯、炸響鈴、圓蹄......等等等等，不是製作需時，便是特別考手藝。自己動手做，即使不太難也會嫌太費時。

新斗記的即燒乳豬、鹵水乳鴿
大榮華的吊燒雞、頭抽蒸乳豬、盆菜豬肉、豬油撈飯
鹿鳴春的雞煲翅、烤鴨、京燒羊肉、酒糟鴨肝、拔絲蘋果香蕉
鳳城的乳豬拼生腸、豬腳仔、蝦多士、炸蟹鉗、蓮耦餅、焗蓮蓉布甸
蓮香樓的點心
炳記的燒汁鱔球、正宗糯米雞、八寶鴨、杏汁豬肺湯
肇順名匯河鮮專門店的檀香骨、炒豆漿、雙皮奶

好想食，一個人，食唔晒，點算？

今日吃了有名的 Jean Paul Hevin 的 macaroon，整體黎講又真係幾好味既，鬆化既外層包著朱古力。不過某 D 味真係好鬼藥水，同事就話似香精，哈哈哈哈....

燉湯沒有太大技巧，只要燉盅夠密封，避免倒汗水倒流，以慢火燉 3 小時或以上便可以。

我自己覺得燉湯要好，一是湯要清徹見底，二是湯清之餘，還是要有十分濃郁的味道。湯要清，燉湯的材料一定要乾淨，不能有雜質，不能有血水，亦不能肥膩，所有肉類骨類都要先飛水，如果你有閒情，飛水之後應該再洗多一次。為了令湯更清，我亦會用一種日本仔的吸油棉，日本城有售，十蚊一包有十塊，一元一塊，有大有小，有圓有方，煲湯 / 燉湯之時放一片在面，那煲湯時浮在湯面的油份都會被吸走，煲完湯便棄置了它，方便得很。

而味道要濃郁，就一定唔可以吝惜材料。我的燉湯食譜，基本上都是一半材料一半水的。何謂一半材料一半水呢？就是你的燉盅先只放一半的水，然後才放材料，放好材料之後盅內的水位是滿的，就是一半材料一半水。用這樣的比例，只要煲完之後下一點點的鹽吊味，便夠有可口的了。

燉湯比煲湯更富食療價值，因為食材的營養不會被揮發。而食材的味道也被保留著，原汁原味。所以其實一般的廣東老火湯，一轉煲為燉，保證立即知味百倍。

我自己更喜歡用電燉盅，一來是使用方便，二來是燉的時間可以長達 6 小時，唔駛睇火，湯也不會越煲越少。電燉盅當夠鐘又或者乾水都會自動關的，安全得很。

電燉盅唯一的缺點是內盅比較少，難以容下像一整隻雞這樣大的材料，而且湯水也不多，以我自己正在使用，市面上算很大的電燉盅，一盅下來才約 6~8 飯碗湯水，我們廣東人，餐前一碗老火湯，餐後一碗老火湯已是定指定動作，所以我的特大電燉盅才只是 3~4 人份而已。這點跟以前用大煲煲老火湯，七八人都飲唔晒有很大分別的。

**近日開始整理了一些食譜, 放了在另一個地方, 留給自己用, 也留給別人用

http://alec1.dyndns.org:9000/blog

有人會當佢係毒藥，有人會當佢係解藥，睇完呢篇野肯定有人當佢係神仙水。我唔理佢可以明目、安神、滋陰補血、補腎安肝、去皺紋、延緩衰老......，我只希望你飲完條氣會順晒。你話你燥底嘛，肝火大（即脾氣臭也，別打我...）。哈哈！所以我叫佢做順氣茶。

製法：大火煲十五分鐘，入落真空壺，然後帶返公司，靜雞雞擺係人地檯面。

警告：用藥份量要依各人體質命格，同埋太陽地球月亮火星等運行既情況而異。唔識齊醫卜星相既人唔好自己亂煲，飲壞左唔關我事。最重要既梗係要等人地煲埋比你飲啦。

努力！！加油！！Fighting！！

用最簡單的食材，再加一點點心意，做出最美味的食物，這不就是我最應該為你做的事麼？還記得你問過這東西是什麼材料做的，其實這真的十分簡單。

（六個份量）

至於做法麼？不是我藏私。除非你希望做給我吃，或者是你不再希望我做給你吃，不然的話告訴你實在也沒什麼意思吧，嘿嘿。

『zzZZZzzzzZZ....期特著....新版焦糖布丁...嘿嘿嘿』

　起身喇，懶人，開餐喇～～～哈哈！

~~~『熱刺期待我的至愛炸蟹鉗呀thxac!!!好滿足呀，你尋日整左咩俾我飲，飲到我咁開胃先?』

如果你鐘意，我日日沖比你飲都得，飲到你厭為止，呵呵 ^.^

邊個想食，我就整比邊個食！  ^.^

ps. 多謝各方親友的熱烈查詢，不過此處的「邊個」係 singular pronoun，而唔係泛指任何人。非常抱歉。